SEMANA DO LIBRO

Esta semana estivo centrada na celebración do Día do Libro! Algunhas actividades foron moi emocionantes, xa que tivemos a nosa primeira excursión! Na Biblioteca Municipal escoitamos un conto e buscamos os personaxes para crear outro entre todos/as, e Natalia, a bibliotecaria, comprometeuse a traérnolo cando o teña rematado.

Güino deixounos tamén un encarguiño, que consistiu en buscar un libro que nos gustara e facer unha "Cara libro" con todos os compis da clase. O conto que escollemos foi La vida secreta de los mocos. Despois farase unha exposición na biblioteca da escola. E a raíz desta idea, na aula buscamos os nosos libros preferidos e fixemos unhas portadas personalizadas (fíxonos moita ilusión chegar hoxe e velas expostos no corcho da aula!).

Co conto El fantasma de las bragas rotas, fixemos un teatro de sombras. Xuntámonos as dúas clases de 3 anos e disfrutamos moito! Estiveron moi atentos!

Hoxe, para rematar a semana do Libro, leváronse a cabo os apadriñamentos lectores, que consiste en que os nenos maiores lles len contos aos pequenos.

E aínda con tanta actividade, deunos tempo de ir un ratiño ao pavillón a ver as eumeolimpiadas!

Mirade cantas cousiñas!

DÍA DO LIBRO

 Hoxe, 23 de abril, celébrase o "Día Internacional do Libro". Dende bibliocouceiro programáronse unha serie de actividades a nivel de centro durante toda a semana, unha destas actividades é a creación de "bookface" que poderemos observar nos próximos días en http://bibliocouceiro.blogspot.com/. Para a nosa participación escollemos o conto "Alejo, el cangrejo" (escrito por Alicia Acosta e ilustrado por Poly Bernatene) e aproveitando a ocasión sacamos algunha fotiño máis na que si amosamos as nosas caras e fixemos esta pequena presentación sobre o libro.

DÍA DO LIBRO de laprofelorena

Pera ademais da celebración do día do libro, estes días convertémonos en pintores e creamos uns cadros de campos de flores.

Decoramos o corredor de infantil cuns barquiños de vela que creamos na clase.

E para rematar esta entrada no blog, estas dúas fotos do venres pasado, de como de maneira improvisada (cando, como todos os venres, os maiores viñan a lernos un conto na hora de ler), aproveitamos o bo tempo e as dúas clases de 4º de infantil xuntas, escoitamos un conto lido polas nosas compañeiras de 6º de primaria. 

Grazas ás dúas Noas.

VISITA DE MARTIÑO

Outro irmanciño visitou a semana pasada a nosa clase, nesta ocasión puidemos coñecer a Martiño, que viu acompañado por Sabela, a súa nai e o seu pai. 

Aínda é tan pequeniño que durmiu todo o tempo que estivo con nós, pero a súa familia nos comentou varias curiosidades de como son os seus coidados e de como lles axuda Sabela.

Moitas grazas familia.

A semana pasada tamén puidemos estrear un xogo novo no patio , como podedes observar nestas fotos.

 

 

E entre outras actividades dúas das que máis nos motivaron foron o uso de dous novos recunchos: un de aproximación á lectoescritura, no que temos varias tarxetas con vocabulario de flores e outro cun arco da vella no que fomentamos o conteo e a motricidade fina.