ANIVERSARIO LUCAS E MÁIS

 Esta semana tivemos outro aniversario! E é que mañá Lucas cumple 3 aniños.

Seguimos sen esquecernos do outono, así que pintamos as folliñas da árbore con bastonciños e fixemos uns cadros con follas naturais que pintamos con témpera.

Por outro lado, estivemos observando os nosos nomes, as súas letras e preparei unhas tarxetas para que colocaran as letras magnéticas debaixo do seu nome.  Onte tamén xogamos a buscar a inicial, e colocámola, xunto coa nosa foto, onde correspondía. Gustoulles a actividade! (imos moi pouquiño a pouco).

Preparamos dous espazos novos, un con puzles para atopar as sombras dos animais e outro para asociar as cores, que tivo moi boa acollida.

Hoxe recortamos con tesoiras por primeira vez, e encantounos!!! Moita concentración e atención. E ademais, veu a lernos un conto Martín, que é primo de Mario! (esta actividade está enmarcada dentro do proxecto do Equipo de dinamización da Lingua galega: "lemos aos máis pequenos"). Fíxonos moita ilusión, sobre todo a Mario, que estaba moi orgulloso!!!

Por último, tivemos unha visita moi especial! Güino, a mascota da nosa biblioteca, veu á nosa clase a invitarnos a unha festa! (a algún compi deulle un pouquiño de medo). Porque este ano a temática do Proxecto do centro será as Olimpíadas, e faremos unha presentación con todo o alumnado da escola o día 24 de outubro. Xa vos iremos contando!!!!